ទប់ស្កាត់ភាពចាស់ ដោយអាថ៌កំបាំងមួយចំនួន
04-November-2015 | ដោយ មួយឡា
ការចាស់ទៅតាមអាយុ គឺជាដំណើរការយឺតៗ និងជារឿងធម្មជាតិដែលមនុស្សគ្រប់រូបមិនជៀសផុត។ នៅពេលស្ត្រីម្នាក់អាយុខ្ទង់ ៣០ ឆ្នាំហើយ នាងនឹងចាប់ផ្តើមសម្គាល់ឃើញ មានសញ្ញានៃការចាស់ទៅតាមអាយុលឿនដូចជា មានស្នាមផ្នត់ៗ និងកន្ទួលលើស្បែក។
នៅពេលនាងអាយុកាន់តែច្រើនទៀត ស្បែកនឹងចាប់ផ្តើមបាត់បង់ភាពយឺត ដែលជាហេតុនាំអោយមានភាពជ្រីវជ្រួញ ជាពិសេស ពេលអាយុដល់ ៥០ ឆ្នាំតែម្តង។ ទោះបីជាយ៉ាងណាក៏ដោយ មានវិធីសាស្ត្រច្រើនណាស់ក្នុងការបន្ថយដំណើរការមួយនេះបាន ហើយអ្នកក៏អាចរីករាយនឹងរូបសម្រស់ស្បែកក្មេងជាងមុនរយៈពេលពីរបី ឆ្នាំទៀតផង។ ខាងក្រោមនេះ គឺជាអាថ៌កំបាំងនៃការចាស់ទៅតាមអាយុ ដែលស្ត្រីគ្រប់រូបត្រូវតែដឹង។
ទទួលទានសារធាតុ អង់ទីអុកស៊ីដង់ អោយបានគ្រប់គ្រាន់
ការទទួលទានសារធាតុអង់ទីអុកស៊ីដង់ច្រើនតាំងពីនៅក្មេង នឹងជួយប្រឆាំងរ៉ាឌីកាល់សេរី ដែលវាធ្វើអោយស្បែកឆាប់ចាស់។ រ៉ាឌីកាល់សេរីទាំងអស់នេះកើតចេញពីការទទួលទានរបបអាហារមិនល្អ និងប៉ះពាល់នឹងជាតិពុលជាច្រើនក្នុងបរិដ្ឋានរស់នៅ។ ដូច្នេះហើយ អ្នកត្រូវតែធ្វើយ៉ាងណាទទួលទានផលិតផល និងផលិតផលសម្បូរអង់ទីអុកស៊ីដង់អោយបានច្រើនពីរបបអាហារ ហើយក៏ត្រូវតែមានទម្លាប់ថែរក្សាស្បែកអោយបានល្អដែរ។ ផ្លែឈើ បន្លែ និងគ្រាប់ធញ្ញជាតិ សុទ្ធតែជាប្រភពដ៏ល្អមួយនៃអង់ទីអុកស៊ីដង់។
ម៉ាស្សាដោយប្រើប្រេងល្ង
ប្រេងល្ង ត្រូវបានគេស្គាល់ថា ជាឱសថព្យាបាលដោយខ្លួនឯងដ៏មានប្រយោជន៍មួយក្នុងការទប់ស្កាត់ភាព ចាស់។ ចូរប្រើប្រេងល្ងលាបលើស្បែកនៅពេលព្រឹក ព្រមទាំងម៉ាស្សាវាផង។ ក្រោយមកអ្នកអាចប្រើការងូតទឹក ដើម្បីលាងសម្អាតវា។ ការធ្វើបែបនេះនឹងភ្ញោចដល់លំហូរឈាម និងធ្វើអោយស្បែកមានភាពលូតលាស់ និងសុខភាពល្អទៀតផង។ វាក៏នឹងជួយបង្គ្រប់ជាតិទឹកដល់ស្បែក និងយកឈ្នះដល់កោសិកាងាប់ៗផងដែរ។ ចូរបង្កើតទម្លាប់មួយនេះជាទៀងទាត់ ដើម្បីអោយស្បែកមានសុខភាពល្អ និងនៅក្មេង។
ជៀសវាងជាតិស្ករកែច្នៃ
ស្ករកែច្នៃ អាចទៅតោងសារធាតុកូឡាជែនក្នុងរាងកាយ និងទៅបំផ្លាញវាបាន ដូច្នេះ វានឹងធ្វើអោយកើតមានស្នាមផ្នត់ៗ និងស្បែកជ្រួញបាន។ ស្ករកែច្នៃ មានក្នុងភេសជ្ជៈមានជាតិហ្គាស់ ស្ករគ្រាប់ កូកាកូឡា។ល។ ព្រមទាំងអាចធ្វើអោយអ្នកមើលទៅកាន់តែចាស់ដែរ ដូច្នេះ ចូរដឹងអំពីរឿងនេះផងនៅពេលអ្នកទទួលទានវា។
ការពារស្បែកអ្នកពីពន្លឺព្រះអាទិត្យជានិច្ច
កាំរស្មីយូវីរបស់ព្រះអាទិត្យអាចទៅបំផ្លាញស្បែកបាន ដែលជាហេតុនាំអោយកើតមានជាស្នាមផ្តត់ៗ និងស្បែកជ្រីវជ្រួញបាន។ វាគឺជារឿងសំខាន់ណាស់ ដែលថាអ្នកអាចការពារស្បែកបានតាមរយៈការទប់ស្កាត់កាំរស្មីទាំងអស់នេះ បានគ្រប់ពេល។ គ្រប់ពេលដែលអ្នកចេញពីក្រៅផ្ទះ ចូរប្រាកដថា អ្នកបានប្រើឡេការពារស្បែកហើយ។
សារធាតុ Exfoliation មានសារៈសំខាន់ណាស់
សារធាតុ Exfoliation ជួយពង្រឹងដល់ការបង្កើតកោសិកាថ្មីៗ និងបន្ថយការកើនឡើងរបស់កោសិកាស្បែកងាប់ៗ ដូច្នេះហើយ វានឹងស្តារឡើងវិញនូវភាពរឹងមាំរបស់ស្បែកបាន។ ការធ្វើបែបនេះនឹងប្រាកដថា ស្បែកអ្នកកាន់តែមានសុខភាពល្អ និងក្មេងបានយូរទៀតផង៕
ចំនួនអ្នកទស្សនា
- ថ្ងៃនេះ1411
- ម្សិលមិញ3421
- សប្តាហ៍នេះ1411
- ខែនេះ47511
- ឆ្នាំនេះ383771
- សរុប19611217